All posts by Ainhize

Immigrazioa eta Integrazioa EAEn Jardunaldiak

Aurten ere, UPV/EHU-k eta Eusko Jaurlaritzak, Enpleguko eta Gizarte Politiketako Saileko Familia Politikako eta Aniztasuneko Zuzendaritzaren bidez, “Immigrazioa eta Integrazioa EAEn” Jardunaldiak antolatu dituzte, Biltzen eta Ikuspegi zuzendaritza teknikoan direla.

Hamargarren edizio honetan, honako gaia landuko dugu: “Aniztasuna eta diskriminazio anizkoitza: hurbilketa intersekzionala”. Formatua birtuala zein presentziala izango da; azken kasu honetan, urtero bezala, Bizkaia Aretoan (Bilbo). Laster, behin-behineko egitarauari eta izena emateko moduari buruzko informazioa helaraziko dizuegu. Bitartean, gorde data: 2020ko urriaren 19 eta 20a. Zuen zain gaude!

EPE ADMINISTRATIBOAK BERPIZTEN DIRA

Gaur, ekainaren 1a, alarma egoeragatik bertan behera geratu ziren epe administratiboak berpizten dira.

Zer nolako eragina dauka epe hauen berpizteak atzerritartasun tramiteetan?

Dokumentazio eskaera bati erantzuna eman behar izatekotan edo gorako edo berraztertzeko errekurtsoa jarri behar izatekotan, epeak kontuan izan behar dira, berriro indarrean daudelako.

Datorren ekainaren 4an epe prozesalak (judizialak) berreskuratuko direla gogorarazten dizuegu. Berrekite honek eragina izango du nazionalitate – errekurtsoak aurkeztean, esaterako.

EAO. https://boe.es/boe/dias/2020/05/23/pdfs/BOE-A-2020-5243.pdf

Nuevo canal informativo Adi! Covid

Eusko Jaurlaritzaren Enplegu eta Gizarte Politiken Saileko Familia Politikako eta Aniztasunaren Zuzendaritzak, Biltzen  kultura arteko gizarteratzearen eta elkarbizitzaren euskal zerbitzuen bidez, ADI!Covid sortu du.

ADI!covid-ek Covid19ren pandemiarekin zerikusia duen informazioa eskainiko du, laburtuta eta hainbat hizkuntzatara itzulita (ingelesa, arabiera, errumaniera, errusiera eta portugesa), betiere, Euskadin bizi diren eta atzerriko jatorria duten pertsonentzako aukera-berdintasunean irisgarria izan dadin.

Aipatutako kanalean jarriko da Eusko Jaurlaritzak osasunari, hezkuntzari, segurtasunari, indarkeria matxistari, enpleguari, etxebizitzari edo gizarte politikei buruz duen informazioa.

Topa gaitzazu Facebookeko gure web orrian. https://cutt.ly/oyiQVL5