Biltzen Eusko Jaurlaritzaren Berdintasun, Justizia eta Gizarte Politiketako Sailari atxikita dagoen titulartasun publikoko zerbitzua da. Haren misioa honako hauek lortzen laguntzea da:

• Euskadin bizi diren pertsona guztiek, haien arraza-jatorria eta/edo jatorri etnikoa, hizkuntza, erlijioa eta abarrak edozein izanda ere, herritarren eskubideak izatea eta integratuta
• Etengabeko aurrerapena euskal gizarteak hura osatzen duten talde kultural ugarien arteko elkarbizitza eta aniztasun kulturala modu barneratzailean eta positiboan kudeatzeko duen gaitasunari dagokionez.
• Diskriminazioaren, arrazismoaren eta xenofobiaren aurkako zein edozein intolerantzia moduren eta ezberdintasunarekiko gorrotoaren aurkako borrokarako tresnak eta baliabideak sortzea eta sentsibilizazioa bultzatzea.

2004an sortu zenetik, Biltzen autonomia-erkidego mailako zerbitzua izan da eta EAEko lurralde osoan egiten du lan nortasun-ezaugarri hauen arabera:

• Bigarren mailako zerbitzua: eragileekin egiten du batez ere lan; ez azken hartzaileekin.
• Subsidiariotasuna: lanaren oinarri diren eragileen legezkotasun ugarien arabera jarduten du (eskuduntzen esparrua administrazio publikoen kasuan, lurraldearekiko eta pertsonekiko lotura gizarte-erakundeen kasuan eta abar).
• Osagarritasuna: horrekin lotuta, eragile horien baliabideak, gaitasunak eta konpetentziak sendotuta egiten du lan; eta ez horiek ordezkatuta.
• Lankidetza-ereduei eta sareko lanari bultzada ematea: erantzukizun publikoaren eta ekimen sozialaren, gizarte zibileko eragile ugarien eta abarren arteko solasaldia eta elkarlana bultzatuta.
• Berrikuntza: esperientzia pilotuak, programa eta tresna berriak eta abarrak bultzatuta misioarekin lotutako esparruetan eta beste eragile batzuekin elkarlanean.
• Eskalan egindako lana, sistematizazioa…: gure eta hirugarren batzuen ezagutza eta esperientziak sistematizatzen saiatuta eta programa egonkor edo lurralde osoari zuzendutako eskaintza bihurtuta eta/edo horietan barneratuta kudeaketa-eredu eragingarriarekin batera…