Gipuzkoako Foru Aldundiko Bizikidetza eta Giza Eskubideen Zuzendaritza aniztasunean oinarritutako elkarbizitza sustatzeko eta bereizkeriaren aurkako borrokan apustu irmoa ari da egiten lurralde historiko horretan. Horrekin, aukera-berdintasuna bistaratzeaz gain, politika publikoetatik sustatu ere egin nahi du, eta egunerokotasunean errealitate bihurtu nahi du pertsona guztiek eremu sozial, kultural eta politikoetan baldintza-berdintasunean sartzeko eta parte hartzeko duten eskubidea.  Ildo horretan ari da lanean 2016 amaieratik eragile sozial ugarirekin Aniztasunean Elkarbizitzeko arloan Ekintza Plana egiteko. Testuinguru horretan, ekainaren 29an, ostegunean, Donostian topaketa bat egingo dute World Café formatuan, Ekintza Plan horretarako ekarpenak jasotzeko. Biltzenetik gonbidapena eskertu nahi dugu eta aniztasunean elkarbizitzeko eraikuntza kolektiboaren prozesuarekin bat egin nahi dugu.

Beste behin ere, KDK sarien banaketa-ekitaldiarekin bat egin dugu Bizkaian 18. edizioa duen honetan. Azken urteetan izan den bezala, sari-banaketa Deustuko Unibertsitateko Auditoriumean izan da.

KDK sariak ikasle ijitoentzako motibazio-tresna dira, horrekin, ikasten jarraitzea eta eskola-arrakasta ahalbidetzen baita. Ekitaldi publiko honetan, zenbait sari eta/edo aitorpen ematen zaizkie hezkuntzako ziklo edo etapa bat arrakastaz gainditu duten ikasle ijitoei. Saria jasoko duten ikasleez gain, ijitoen zenbait erreferentzia direnak, erakunde mailako ordezkariak, ikastetxeetakoak, gelakideak eta saridunen familien ordezkaritza zabala izaten dira bertan. Zorionak esfortzuaren aitortza jaso duten ijito guztiei eta denei Opré Rromá!