biltzenweb-(r)en bidalketa guztiak

Soberanías y soberanía GARAIPEN TXIKIEN BIDEZ EUSKAL HERRIA BURUJABE mintegia

Ekainaren 21 eta 22an, prestakuntza-jardueren testuinguruan, ELA sindikatuak, Manu Robles-Arangiz Fundazioarekin eta UNED Bergararekin batera, “Soberanías y soberanía Garaipen txikien bidez euskal herria burujabe” mintegia antolatu zuen Gasteizko Letren Fakultatean. Mintegian 227 lagunek hartu zuten parte; horien artean, 124 emakumek.

Testuinguru honetan, Biltzenek “Pertsona migratuekin batera eraikitako prozesu integratzailea” izenburuko hitzaldia aurkeztu zuen.

Hitzaldi horretan, migrazioen inguruko testuinguruan kokatu ziren. Adierazi zuten errefuxiatu eta babes-eskatzaile gehienak biltzen dituzten herrialdeak arazo-eremuen mugetan dauden herrialdeak direla. Hurrengo puntuak Euskadiko aniztasuna eta kultura-aniztasunaren kudeaketa landu zuen herritarren, kultura artekotasunaren eta immigrazioaren euskal politikaren bidez. Azkenean, etorkinekin batera eraikitzeko eratutako hainbat puntu osatzeko oinarrizko elementuak zehaztu dira. Eraikuntza honen oinarriak etorkin-izaerako pertsonak eskubide eta betebehar berdinak dituzten Euskadiko herritar gisa aitortzea izan behar du.

Asilo, Babes eta Nazioarteko Babesaren inguruko prestakuntza ekintza

Maiatzean, Asilo, Babes eta Nazioarteko Babesaren inguruko prestakuntza-ekintza bat izan da Bilbon (hilaren 16, 17 eta 18an) eta Donostian (hilaren 23, 24 eta 25ean), Herri Arduralaritzaren Euskal Erakundearen (IVAP) eta EUDELen arteko prestakuntza-hitzarmenaren baitan. Prestakuntzako ekintza horren antolaketa-lanetan parte hartu dute Bake eta Bizikidetzako Idazkaritza Orokorrak eta Enplegua eta Gizarte Politikak Sailak. Sail horrek, BILTZENen bidez, programa eratu du eta koordinatu egin du administrazioaren hiru arloetatik eta EAEn errefuxiatuei harrera egiteko lanetan aritzen diren erakunde sozialetatik etorritako irakasle talde handi bat.

 

Bizkaia eta Gipuzkoa Lurralde Historikoetako udaletako gizarte-zerbitzuetako teknikariei zuzendutako prestakuntza-ekintza izan da eta  hau izan da helburu nagusia: “ezagutzak eskuratzen eta esperientziak ezagutzen laguntzea, udaletako zerbitzuek Euskadira nazioarteko babes eske iristen diren pertsonei hobeto erantzun diezaien”.

 

Hiru goizetan eskainitako saioetan, honako eduki hauek landu zituzten:  asilo, babes eta nazioarteko babesaren inguruko araudi-esparrua; aniztasuna kudeatzeko elementuak, esku hartzeko beharrezkoak direnak; esku hartzeko erakunde-esparrua; GKE-en esku-hartze prozesua Euskadin.  Prestakuntza-jardunaldiaren amaieran mahai-inguruak egin zituzten zenbait errefuxiaturekin.

Encuentro técnico en Consulado de Rumanía

Apirilaren 20an, ostiralean, Eusko Jaurlaritzaren “Aholkusarea” sareko prestakuntza-ekintzen baitan Biltzenek antolatutako laneko saioa egin genuen Errumaniako Kontsuletxearekin, erakunde publikoekin eta erreferentziazko gizarte-elkarteekin batera. Horien artean, Bizkaiko eta Gipuzkoako Aldundietako Haurtzaroaren Zerbitzuetako, Busturialdeko Mankomunitateko Gizarte Zerbitzuetako eta Biltzeneko langileak zein Eusko Jaurlaritzako Familia Politikako eta Aniztasuneko Zuzendaritzako kideak zeuden. Gizarte-elkarteei dagokienez, honako hauetako talde teknikoko profesionalak joan ziren: Cáritas Bizkaia, Gurutze Gorria, Kosmópolis, Adiskidetuak, CEAR, SOS Gipuzkoa eta CITE (CCOO sindikatuaren baitan dago).

 

Saioaren helburua adingabeekin lotuta Errumaniako legeriak dituen prozedura eta berezitasunak gerturatu eta argitu ahal izateko gunea egokitzea izan zen eta, bereziki, gai hauekin lotuta: dokumentazioa familiako gatazka kasuetan eta Errumaniako herritarrek Espainiako nazionalitatea eskuratzearekin lotutako dokumentuen legeztapena eta horrekin lotutako beste alderdi batzuk.

 

Jardunaldira joandakoek topaketaren inguruko oso balorazio positiboa egin zuten. Bestalde, Errumaniako kontsul txit gorenak, Marian Popescu jaunak, ekimena lankidetza estuagoa izateko eta Gizarte esparruan erreferentziako erakunde eta elkarteekin lan-ildo jasangarria izateko abiapuntua izan zela aipatu zuen, eta bereziki haurtzaroarekin eta nerabezaroarekin lotutako esparruan lan egiten duten elkarteei dagokienez.