Lehendakaritza_09ene2019

Emakumeen aurkako indarkeriaren biktimei emandako arretarekin lotuta kalitateko nazioarteko estandarrei buruzko programa. Itxiera-ekitaldia

Indarkeriaren Biktima diren Emakumeentzako eta Neskentzako Oinarrizko Zerbitzuen inguruko Nazio Batuen Programaren baitan egindako bi urteko laneko zikloari amaiera emateko jardunaldia egin dute 2019ko urtarrilaren 9an Lehendakaritzan. Emakundek-Emakumearen Euskal Erakundeak hartu du parte bertan NBEko hainbat agentziarekin batera. Jardunaldia Iñigo Urkulluk zuzendu du eta honako hauek hartu dute parte: Izaskun Landaidak, Emakundeko zuzendariak; UNFPA Funtseko Maria Teresa Bejaranok; eta UNWOMENeko Caroline Meenagh-ek. Gainera, ekitaldian izan dira lantalde ugariak osatu dituzten erakunde publiko eta sozialetako ordezkariak. Biltzenek prozesu osoan hartu du parte “gizarte-zerbitzuen” inguruko lantaldean.